علاج السرطان
بسم الله الرحمن الرحيم
علاج السرطان عشان نعرفو علينا في الاول نعرف هو اصلا السرطان
شنو
في العادة الخلية بتكون عادية بتقوم بي كل الوظائف العادية من انتاج
طاقة وبروتينات وانقسام عشان النمو في مرحلة الانقسام مرات بحصل خطأ في نسخ ال DNA في
العادة الخطأ بكون بسيط ممكن تجاهلو لكن مرات بكون عيب وهنا الخلية بتدمر روحها
بالهضم الداخلي لكن مرات الخطأ بدمر التدمير الزاتي وبخلي الخلية تستهلك كميات كبيرة من الطاقة
وتنقسم بي طريقة مرعبة ودا البخلي الورم يبدا يظهر وينتشر بي سرعة .
الخلايا السرطاني بتاكل اي خلايا جنبها وبنتنتشر بي سرعة كبيرة وماف
اي حاجة بتقيف في الطريق .
لمن نجي للعلاج بنلاقي انو الادوية العادية زي المضادات الحيوية ما
بتنفع لانها جزو من خلايا الجسم دا حتى الجسم مرات بقعد يعاين ليها وهي بتنتشر ما
بسوي حاجة .
لوجيت تسوي علاج يدمر السرطان حا يدمر الزول الشايلو مع فالحل وصل في
اشكال ومنها :
1.
العلاج
الجراحي :
ودا بيكون بي انو نستئصل الورم كلو مع اي اجزاء تانية زي العقد
اللمفية عشان نمنع النمو من الاول ودائما ما يعتبر اكتر حل فعال امرق السرطان وخلي
الجرح يبرا وكدا انت كويس لكن مرات بكون
العلاج الجراحي معاهو ....
2.
العلاج
الكيماوي :
حقن الجسم بي مواد بتقتل الخلايا سريعة النمو ( السرطانية , الشعر ,
والاظافر) الاخيرين برجعو للنو بعد وقف العلاج . ويعتبر واحد من الانجح خاضة لما
يكون هو والجراحة سوا لضمان عدم رجوع السرطان مرة اخرا .
اثبت نجاحو مع عدد من السرطانات ومنها سرطان الثدي ، وسرطان القولون والمستقيم ، وسرطان البنكرياس ،
وساركوما العظم العظمي ، وسرطان الخصية ، وسرطان المبيض ، وبعض أنواع سرطان الرئة.
وممكن برضو نعتبرو علاجي لي بعض السرطانات ونها اللوكيميا , وما فعال في سرطانات
الدماغ , ولايستخدم في جزو منها .
وبالنسبة للمرأة الحامل، لقو انو العلاج
الكيميائي هو سبب في بعض التشوهات التي تحدث في الطفل خاصة في منطقة الوجه والحنك .
3.
العلاج
الاشعاعي:
بستخدموا اشعاع مؤين بضرب الDNA
داخل الخلايا وهو المسؤول من الوظائف فدمارو بقضي على الخلية .
يتم تعريض الاشعاع بي زوايا مختلفة وبتتقاطع
عند الورم عشان يضمنو ماف خلية سليمة تنصاب , يستخدموا في نص الحالات تقريبا يتم
استخدام الاشعة السينية الخفيفة لي سرطانات الجلد والسينية القوية لي السرطانات
الاعمق , او اشعاع موضعي. عادة ما يستخدم مع العلاج الجراحي او الكيماوي وهو ناجح
بنسبة 70% من المرضى .
4.
العلاج
بالليزر
يستخدم
العلاج بالليزرضوءًا قوي لعلاج السرطان عن طريق تقليص أو تدمير الأورام السرطانية.
يستخدم الليزر بشكل شائع لعلاج السرطانات السطحية الموجودة على سطح الجسم أو بطانة
الأعضاء الداخلية. يتم استخدامه لعلاج سرطان جلد الخلايا القاعدية والمراحل
المبكرة جدًا من حالات سرطان عنق الرحم والقضيب والمهبل والفرج وسرطان الرئة ذو
الخلايا غير الصغيرة. وغالبًا ما يتم دمجه مع علاجات أخرى ، مثل الجراحة أو العلاج
الكيميائي أو العلاج الإشعاعي.
وهناك العديد من
العلاجات الاخرا.
لكن لي مايكون في
لقاح :
بي كل بساطة لانو السرطان عبارة عن خلايا الجسم
زاتها كيف يعني نمنع الجسم من صنع نفسو.
لو في اي سؤال اكتبو في التعليقات وحا اجاوب علي في اسرع وقت
وشكرااااا
تعليقات
إرسال تعليق